Lidhje

Biden, thirrje Presidentit Trump të mbrojë Kushtetutën. Trump protestuesve: Kthehuni në shtëpi!


USA, Delaware, Wilmington, U.S. President-elect Joe Biden delivers remarks on national security and foreign policy at his transition headquarters

Presidenti i zgjedhur Joe Biden mbajti një fjalim pasditen e së mërkurës dhe i bëri thirrje Presidentit Donald Trump të dalë në televizionin kombëtar dhe të mbrojë Kushtetutën, të bëjë thirrje që njerëzit të largohen nga Kapitoli.

Duke folur nga qyteti Uilmington i shtetit Delauer, zoti Biden tha se demokracia amerikane ishte nën një sulm të paparë. "Kjo nuk është protestë, është kryengritje," tha ai.

Biden, thirrje Presidentit Trump të mbrojë Kushtetutën
please wait

No media source currently available

0:00 0:00:40 0:00

Ai e quajti ngjarjen e së mërkurës një moment të errët në historinë e vendit, një sulm ndaj Republikës dhe ndaj sundimit të ligjit.

Zoti Biden tha se skenat e kaosit në Kapitol nuk pasqyrojnë Amerikën e vërtetë, nuk pasqyrojnë “atë që ne jemi”. "Ajo që ne shikojmë është një numër i vogël ekstremistësh, të përkushtuar ndaj paligjshmërisë," tha ai.

Zoti Biden duhet të fliste të mërkurën për ekonominë, por ai e ndryshoi temën e fjalimit për shkak të zhvillimeve në kryeqytetin amerikan.

REAGON PRESIDENTI TRUMP

Ndërkohë, Presidenti Trump postoi një video në Twitter, ku u bëri thirrje protestuesve me fjalët: "Tani duhet të shkoni në shtëpi, duhet të kemi paqe. Na duhet të kemi ligj dhe rend".

Megjithatë, ai përsëriti në video pretendimin e tij të pabazuar se zgjedhjet u vodhën dhe se ato ishin të manipuluara.

"Nuk duhet të bëjmë lojën e tyre, na duhet paqe," tha ai në videon e regjistruar në Shtëpinë e Bardhë.

Kompania Twitter njoftoi në vazhdim se ka pezulluar për 12 orë llogarinë e Presidentit Donald Trump për "shkelje të rënda dhe të përsëritura" të rregullave të integritetit qytetar të kësaj platforme, si dhe kërcënoi me pezullimin e përhershëm të kësaj llogarie.

Evakuimi i sesionit të Kongresit amerikan për çertifikimin e zgjedhjeve
please wait

No media source currently available

0:00 0:01:15 0:00

Në Uashington, policia ka filluar të heqë protestuesit nga shkallët e Kapitolit, ndërkohë që në ndihmë të tyre erdhën përforcime.

AKTIVIZOHET GARDA KOMBËTARE E UASHINGTONIT

Sekretari i Mbrojtjes në detyrë, Chris Miller tha të mërkurën se e gjithë Garda Kombëtare e Uashingtonit ishte aktivizuar dhe se ai ishte gati të siguronte mbështetje shtesë nëse kërkohej nga autoritetet lokale.

"Kemi aktivizuar plotësisht Gardën Kombëtare të Uashingtonit për të ndihmuar në zbatimin e ligjit federal dhe tani që bëhen përpjekje për të zgjidhur paqësisht situatën," tha zoti Miller.

Kreu në detyrë i Pentagonit tha se ai dhe gjenerali kryesor i vendit kishin folur me Nënpresidentin Mike Pence dhe me udhëheqësit e Kongresit për gjendjen në Kapitol.

Momentet kur protestuesit futen me dhunë në Kapitol
please wait

No media source currently available

0:00 0:00:34 0:00

Facebook Forum

XS
SM
MD
LG