Senatorët brazilianë votuan me 61 vota pro dhe 20 kundër për ta shkarkuar presidenten Dilma Rousseff nga detyra, duke e gjetur fajtore se ka shkelur ligjet e buxhetit.
Vendimi u mor sot pasi zonja Rousseff, presidentja e parë grua e vendit, iu përgjigj të hënën pyetjeve për 14 orë.
Argumentat përfundimtare për shkarkimin e saj u paraqitën të martën.
Zonja Rousseff akuzohej se kishte përdorur ilegalisht para nga bankat shtetërore për të mbuluar defiçitet në buxhetin federal në një përpjekje për të rritur popullaritetin e saj para zgjedhjeve presidenciale të vitit 2014.
Ajo kishte akuzuar kundërshtarët e saj se kanë përdorur gjyqin si një mënyrë për ta përmbysur atë dhe për të minuar demokracinë në Brazil.
Zonja Rousseff pritet të zëvendësohet nga nënpresidenti i saj Michel Temer.