Ministri i jashtëm serb dënoi vendimin e gjykatës së Hagës për kthimin e udhëheqësit të ekstremit të djathtë Vojislav Seselj në burgun e gjykatës, duke e quajtur vendimin skandaloz dhe të pabesë.
Duke folur pas një takimi me ministrin e jashtëm italian, Ivica Daçiç tha se synimi i gjykatës është të kërcënojë stabilitetin politik në Serbi dhe mbarë rajonin.
Gjykatësit e apelit në Hagë vendosën dje që Shesheli kishte shkelur kushtet e lirimit të përkohshëm dhe duhet të kthehet në Hagë.
Vendimi do të thotë se autoritetet në Serbi do të urdhërojnë arrestimin e Sheshelit dhe dërgimin e tij në Hagë ku ai ka kaluar më shumë se një dekadë.