Ekstremistët kryen përsëri sulme në republikën ruse të Dagestanit për të dytën ditë radhazi, këtë herë duke sulmuar një bazë ushtarake.
Autori i sulmit hyri me makinën e tij me lëndë shpërthyese, por u ndalua, para se të arrinte në kapanonet ku flinin ushtarët. Disa ushtarë e detyruan autorin e sulmit të përplasej tek një kamion.
Një zëdhënës i Ministrisë së Brendshme ruse tha sulmi i sotëm shkaktoi 3 të vrarë dhe mbi 30 të plagosur mes ushtarëve, ndërsa zyrtarët e Dagestanit thanë më parë se ishin vrarë 5 ushtarë.
Të plagosurit u dërguan në një spital ushtarak në Rostov mbi Don. Sulmi i sotëm u krye një ditë pasi ekstremistët u përpoqën të vrisnin ministrin e politikave etnike, të informacionit dhe marrëdhënieve me jashtë të Dagestanit.