Në Kosovë, kryeministri Isa Mustafa tha se ekstremizmi dhe radikalizmi fetar po kërcënojnë një nga shtyllat kryesore të identitetit të shoqërisë së Kosovës të tolerancës dhe harmonisë fetare.
Ai i bëri këto komente një ditë pas publikimit të raportit të Departamentit Amerikan të Shtetit për terrorizmin ku thuhet se “kërcënimi i ekstremizmit të dhunshëm islamik në Kosovë është rritur gradualisht që nga konflikti i vitit 1999. Ndërsa njohës të çështjeve të sigurisë thonë se ekstremizmi i dhunshëm dhe radikalizmi është sfidë botërore dhe si e tillë ka prekur edhe Kosovën.
