Fjalori i sapobotuar i Akademisë Malazeze vazhdon të ngjallë reagime te shqiptarët. Reagimet kanë të bëjnë me terminologjinë e përdorur, që për shqiptarët cilësohet si fyese dhe paragjykuese. Siç njofton nga Podgorica korrespondenti ynë Ali Salaj, shqiptarët kërkojnë tërheqjen e fjalorit nga përdorimi, ndërkohë që akademikët malazezë nuk e përjashtojnë mundësinë që në fjalor të jenë bërë gabime të paqëllimta.
