Në Kosovë, të rinjtë përballen me shkallën e lartë të papunësisë, mungesën e lëvizjes së lirë, mospërfshirjen e mjaftueshme në jetën institucionale. Vështirësitë me të cilat përballen kanë bërë që ata të radhiten në mesin e kategorive më të prira për emigrim të paligjshëm. Në ditën ndërkombëtare të rinisë, veprimtarët thanë se Kosova ka infrastrukturë të mirë ligjore, por çalon shumë në zbatimin e saj.