Në Shqipëri, si në shumë vende të botës, sonte në mesnatë, besimtarët katolikë do të presin me lutje dhe këngë ngjalljen e Krishtit. Në prag të kësaj ngjarjeje, Kryetari i Konferencës Ipeshkvnore të Shqipërisë, imzot Engjëll Masafra, u përcolli besimtarëve mesazhin e tij tradicional të Pashkëve, ku, përveç urimit, kërkoi prej tyre të mposhtin indiferencën dhe të jenë më pranë njerëzve në nevojë.