Qendra Mjekësore e shtetit Nebraska thotë se një mjek nga Sierra Leone që po mjekohej në spitalin e saj ka vdekur nga Ebola.
Spitali nxori sot një deklaratë ku thotë se Martin Salia vdiq nga simptomat e avancuara të sëmundjes.
Mjeku ishte pacienti i tretë me Ebola që mjekohet në këtë spital dhe i dyti që gjen vdekjen nga kjo sëmundje në Shtetet e Bashkuara.
Shtëpia e Bardhë përcolli mesazhe ngushëllimi për familjen dhe të afërmit. Në një deklaratë, Shtëpia e Bardhë thotë se vdekja e Dr. Salias është një tjetër dëshmi e kërcënimit që paraqet kjo sëmundje dhe e nevojës për ta luftuar këtë epidemi në frontin e parë.