3 vjet pas shpalljes së pavarësisë dhe pas njohjes së Kosovës nga 75 vende të ndryshme të botës, Serbia vazhdon t'i qëndrojë vendimit të saj për të mos e njohur Kosovën. Por nën presionin e vazhdueshëm të Washingtonit dhe Brukselit, javën e ardhshme pritet të fillojnë bisedimet mes Prishtinës dhe Beogradit, siç është thënë për çështje teknike dhe të interesit të përbashkët. Për të kryesuar këto bisedime qeveria e Kosovës ka caktuar zëvendëskryeministren Edita Tahiri, e cila ishte për një intervistë në programin televiziv "Ditari".