Mbrëmë, Partia Socialiste dhe Aleanca për të Ardhmen hapën në qytetin e Shkodrës fushatën zgjedhore duke prezantuar kandidatin për këtë bashki, inxhinierin Genc Uruci. Kryetari i Partise Socialiste, Edi Rama, bëri thirrje për pjesëmarrje në votimet e 8 majit, për të ndryshuar, sipas tij, gjendjen, që është e patolerueshme. Ndërkohë, Partia Demokratike dhe Aleanca për Qytetarin kanë disa ditë që kanë prezantuar kandidatin e tyre Lorenc Luka, i cili rikandidon për një mandat të dytë.