Në Korenë e Jugut sot mbërriti grupi i fundit i atletëve nga Koreja e Veriut, për të marrë pjesë në Lojërat Olimpike Dimërore që fillojnë javën e ardhshme në Pjong Çang.
10 sportistët koreanoveriorë u çuan menjëherë në fshatin olimpik në qytetin Gangnjung. Ata ju bashkuan atje 12 lojtareve të hokeit që mbërritën javën e kaluar, për t’u stërvitur krahas me homologet e tyre koeranojugore, si pjesë e një ekipi të përbashkët korean.
Mbërritja sot e ekipit koreanoverior përkoi me ngritjen e flamurit të tyre kombëtar në Stadiumin Olimpik në Pjong Çang dhe në objektet e fshatit olimpik.
Në Korenë e Jugut, ka qenë e ndaluar ngritja e flamurit kombëtar të Koresë së Veriut, bazuar mbi ligjin për sigurinë kombëtare të vendit.
Facebook Forum