Lidhje

OKB akuzon rebelët dhe trupat siriane për dhunën


Rusia ashpërson pozicionin kundër presionit të Perëndimit për të përmbysur regjimin e presidentit Bashar al-Assad.

Kreu i grupit të vëzhguesve të OKB-së ka akuzuar si rebelët ashtu edhe trupat qeveritare për shtimin e dhunës në vend. Kjo vjen ndërsa Rusia ashpërson pozicionin e saj kundër presionit të Perëndimit për të përmbysur regjimin e presidentit Bashar al-Assad.

Gjeneral majori Robert Mood tha sot se luftimet e 10 ditëve të fundit kanë qënë “qëllimisht intensive nga të dyja palët, me humbje dhe rreziqe të mëdha për vëzhguesit”. Ai tha se sulmet e përshkallëzuara mund të shkaktojnë forcat e tij të pa armatosura të tërhiqen.

Qeveria siriane vazhdoi sot ofensivën kundër zonave të mbajtura nga rebelët. Luftime të ashpra u njoftuan në mbarë province Aleppo dhe qytetin qëndror të Homsit.

Grupi me seli në Britani, Obzervatori për të Drejtat e Njeriut i tha Zërit të Amerikës se forcat e sigurisë bombarduan gjithashtu zonat e kontrolluara nga opozita dhe u përleshën me rebelët në Duma dhe Damask. Dhjetra njerëz janë vrarë gjatë ditëve të fundit në luftimet e intensifikuara.

Në Moskë, Ministri i jashtëm rus Sergei Lavrov mohoi thëniet se qeveria e tij po diskuton planet për një transformim politik në Siri. Ai tha se Rusia nuk përfshihet në ndryshimin e regjimeve përmes miratimit të veprimeve unilaterale të Këshillit të Sigurimit të OKB-së dhe as përmes “ndonjë pjesëmarrje në ndonjë komplot politik”.
Zëdhënësja e Departamentit amerikan të Shtetit Victoria Nuland sugjeroi dje se Uashingtoni dhe Moska po diskutojnë një strategji pas regjimit të Assadit në Siri.

Shiko komentet (1)

Ky forum është mbyllur
XS
SM
MD
LG