Organizata Ndërkombëtare Migracionit, IOM, dhe Zyra Belge për Migracionin nisën sot nga Shkodra një fushatë ndërgjegjësuese për parandalimin e migracionit të parregullt nga Shqipëria. Rajoni i Shkodrës është zona prej nga regjistrohet numri më i madh i azilkërkuesve në Belgjikë.
Përfaqësues të Zyrës së Migracionit në Belgjikë u shprehën në nisje të fushatës se, është e pakuptimte që BE t’i japë Shqipërisë statusin dhe nga ana tjetër, të ketë një numër në rritje të azilkërkuesve.