Lidhje

Jeruzalem: goditen me thikë tre policë


Një palestinez goditi sot me thikë tre policë izraelitë në hyrje të pjesës së vjetër të Jeruzalemit lindor, përpara se të vritej nga forcat policore.

Njëri nga oficerët e policisë është i plagosur rëndë, ndërsa dy të tjerët kanë marrë plagë të lehta.

Ngjarja ndodhi shumë pranë vendit ku një tjetër adoleshent palestinez goditi me thikë dy izraelitë më herët në mëngjesin e sotshëm dhe në vijim u vra nga policia.

Një valë sulmesh me thika ndaj civilëve dhe ushtarakëve ka tronditur Izraelin gjatë ditëve të fundit.

Sulmet filluan në Jeruzalemin lindor, në pjesën e shenjtë të njohur prej hebrejve si Mali i Tempullit dhe prej myslimanëve si Xhamia al-Aqsa.

Një javë e tërë dhune ndërmjet izraelitëve dhe palestinezëve u shtri dje edhe në Rripin e Gazës, me të paktën 7 viktima palestineze dhe mbi 100 të tjerë të plagosur.

XS
SM
MD
LG