Lidhje

Kim Jong Un: Sulme vetëm në rast shkelje të sovranitetit


Agjencia shtetërore e lajmeve në Korenë e Veriut thotë se Presidenti Kim Jong Un tha gjatë punimeve të Kongresit të Partisë e Punëtorëve se vendi i tij nuk do të përdorë armë bërthamore, pa iu kërcënuar më parë sovraniteti nga fuqi të tjera bërthamore.

Agjencia e lajmeve njoftoi sot se zoti Kim kishte shprehur dëshirën për normalizimin e marrëdhënieve me vende me qëndrime armiqësore ndaj qeverisë së Phenianit dhe se kishte kërkuar bisedime të reja me Korenë e Jugut për të ulur tensionet dhe për të parandaluar keqkuptime në të ardhmen.

Nuk është e qartë nëse këto zotime dëshmojnë ndryshime reale në qëndrimin e Koresë së Veriut ndaj fqinjëve dhe Shteteve të Bashkuara.

Në mars Koreja e Veriut kërcënoi se do të ndërmerrte “goditje parandaluese” dhe “pa dallim” me armë bërthamore kundër Shteteve të Bashkuara dhe Koresë së Jugut në përgjigje të manovrave të përbashkëta ushtarake.

XS
SM
MD
LG