Krerët kryesorë të mbijetuar të Kmerëve të Kuq dolën sot para një gjykate në Kamboxhia nën akuzat për krime kundër njerëzimit.
Gjykimi zhvillohet nga gjykata e mbështetur nga OKB-ja për krime lufte, e cila u krijua për të siguruar drejtësinë e paanshme për mizoritë e kryera nga fundi i viteve 1970.
Rreth 500 njerëz, shumë prej tyre viktima të Kmerëve të Kuq, mbushën sallën e gjyqit për të dëgjuar seancën. Katër të pandehurit e moshuar qëndronin të ulur pa pranga pas një perdeje duke dëgjuar akuzat. Tre prej tyre u lejuan të largoheshin më herët nga seanca për arsye shëndetsore.
Të akuzuarit janë kreu i shtetit Kiu Sampan, ideologu i Kmerëve të Kuq Nuon Çea, Ministri i Jashtëm Ieng Sari dhe gruaja e tij Ieng Tirit e cila ishte Ministre e Punëve Sociale. Të gjithë këta i kanë mohuar akuzat që përfshijnë krime lufte, gjenocid, presekutim fetar dhe tortura.
Kreu i Kmerëve të Kuq, Pol Poti, vdiq në vitin 1998.