Kryeministri rus Vladimir Putin do të vizitojë Slloveninë dhe Serbinë këtë javë për bisedime që pritet të përqendrohen në fushën energjetike.
Serbia dhe Sllovenia kanë rënë dakord të lejojnë kalimin e një tubacioni nga Deti i Zi për në destinacionet e Evropës perëndimore përmes territoreve të tyre.
Sot, zoti Putin do të takohet me presidentin slloven Danillo Tyrk dhe kryeministrin Borut Pahor në kryqytetin Lubljana për të qartësuar detajet e fundit për zbatimin e projektit South Stream ose Rrjedha e Jugut. Të dy palët gjithashtu pritet të nënshkruajnë edhe projekte të tjera të bashkëpunimit ekonomik.
Të mërkurën, delegacioni rus i udhëhequr nga zoti Putin ndalet në kryeqytetin serb, Beograd. Serbia nënshkroi një marrëveshje të rendësishme me Rusinë në vitin 2008, e cila gjithashtu përfshin marrjen e kompanisë serbe të naftës NIS nga Gazpromi rus. Serbia e konsideron Rusinë të jetë partneri kryesor ekonomik si dhe aleati i saj politik.