Zgjedhjet presidenciale dhe parlamentare në Kurdistanin e Irakut do të shtyhen me tetë muaj, pasi partitë politike nuk kanë arritur të paraqesin kandidatët, njoftoi të martën parlamenti rajonal.
Votimi ishte caktuar të zhvillohej më 1 nëntor, pas referendumit të pavarësisë të zhvilluar në shtator, në të cilin një shumicë dërrmuese e kurdëve votuan "po".
Qeveria e Irakut e kundërshtoi fuqishëm mbatjen e referendumit dhe javën e kaluar dërgoi trupa në disa territore kurde, me qëllim rimarrjen e kontrollit nga qeveria qendrore.
Tërheqja e forcave kurde solli vendimin e politikanëve kurdë që të shtynin zgjedhjet.
Të martën, ndërsa ndodhej për një vizitë në Irak, Sekretari amerikan i Shtetit Rex Tillerson tha se ishte "i shqetësuar dhe disi i pikëlluar nga mospajtimet e fundit" mes qeverisë irakiane dhe pakicës kurde.
Facebook Forum