Në Shqipëri, boshllëku i krijuar pas përfundimit të zgjedhjeve vendore të 21 qershorit deri në fillimin e punës së kryetarëve të rinj të bashkive, po ndikon negativisht në jetën e banorëve dhe zhvillimin e disa qyteteve. Korrespondenti Pëllumb Sulo, ishte sot në qytetin e Lezhës, ku një numër projektesh urbane, të nisura para dhe gjatë fushatës elektorale, kanë mbetur pa u përfunduar, duke krijuar kaos në qytet. Drejtuesit e rinj të bashkisë, që inspektuan sot situatën në terren, thane se kjo ka dëmtuar jo vetëm veprimtarinë e përditëshme të qytetarëve dhe bizneseve, por edhe sezonin turistik veror.