Dëshmitarë okularë në Libi thonë se kryengritësit janë tërhequr nga një qytet lindor - port i naftës, mbas bombardimeve të ashpra me artileri nga forcat qeveritare, duke shënuar kështu një tjetër tërheqje të lëvizjes opozitare që po përpiqet të përmbysë udhëheqësin libian Moamar Gadafi.
Kryengritësit u panë sot të largohen nga qyteti Brega, në drejtim të verilindjes përgjatë bregdetit ku ndodhet qyteti Axhdabija, i kontrolluar nga opozita.
Televizioni shtetëror libian deklaroi se Brega është “pastruar nga bandat e arnatosura”, por deri tani nuk ka patur konfirmim për këtë deklaratë.
