Lidhje

Arrin në 30 vetë numri i viktimave të zjarrit në Londër


Mbërrin në 30 numri i viktimave të zjarrit të fuqishëm që përfshiu një ndërtesë 24 katëshe në Londër pak ditë më parë, por egziston frika se shifra mund të rritet me 3-fish, nisur nga deklaratat e zyrtarëve përgjegjës për hetimet.

Shefi i policisë së Londrës Stuart Cundy iu përgjigj spekulimeve se numri i të vdekurve mund të kalojë 100, duke thënë se nga këndvështrimi i tij personal, “shpreson vërtet se nuk do të shkohet deri aty".

Familjarët në kërkim të të afërmve kanë mbuluar zonën rreth kullës Grenfell me postera ku kërkojnë përgjigje dhe trishtimi i tyre po kthehet në zemërim.

Zjarrfikësit vazhdojnë kërkimet në rrënojat e shkrumbuara të ndërtesës dhe kanë hasur në vështirësi në nxjerrjen nga kulla të disa trupave.

Sot kryeministrja britanike Theresa May vizitoi në spital të mbijetuarit nga zjarri pasi u kritikua më parë se kishte refuzuar për t'u takuar me banorët.

Dje zonja May shkoi në vendngjarje dhe zhvilloi një takim privat me zjarrfikës dhe ekipet e reagimit të shpejtë.

Ndërsa Mbretëresha, Princi William, kryebashkiaku i Londrës Sadiq Khan si dhe udhëheqësi i Partisë Laburiste Jeremy Corbyn kanë zhvilluar takime me banorët.

Facebook Forum

XS
SM
MD
LG