Zyrtarë të NATO-s thonë se trupat afgane dhe të koalicionit kanë kapur një udhëheqës të al-Kaidës i cili kishte qenë bashkëpuntor i Osama bin Ladenit.
Në një deklaratë të bërë sot, NATO-ja thotë se personi ishte kapur në zonën Nahr e Shahi të provincës veriore Balkh, por nuk jep emrin e tij.
Burimet e koalicionit thonë se personi me bazë në Pakistan kishte planifikuar sulmet dhe ishte një bashkëpunëtor i ngushtë i udhëheqësve të lartë të al-Kaidës. Dyshohet se ai ka qenë me Bin Ladenin në Afganistan në vitin 2001.
NATO-ja thotë se personi i ndaluar është një prej disa udhëheqësve të lartë al-Kaidës që janë kapur në provincën Balkh këtë vit.