Në fshatin Kukël të Shkodrës ka nisur restaurimi i shtëpisë muze të poetit Ndre Mjeda. Restaurimi mundësohet nga Agjencia Austriake për Zhvillim, ADA, dhe komuna e Bushatit. Shtëpia e poetit Mjeda është pjesë e Kompleksit Muzeal “Ndre Mjeda”, kompleks ky që nisi të restaurohet tre vite më parë. Ndërkohë, kanë nisur përpjekjet për të mundësuar restaurimin edhe të shtëpisë së poetit kombëtar Gjergj Fishta si dhe shtëpisë së at Danjel Dajanit.