Prej disa muajsh, në zonën e Nënshkodres po punohet për riaftësimin e argjinaturave, që u shkatërruan gjatë përmbytjeve masive të fundvitit te kaluar. Në komunën e Dajçit, e cila është më e dëmtuara nga përmbytjet, janë riaftësuar rreth 14 kilometra argjinaturë. Megjithatë, banorët mendojnë se, për të shmangur rrezikun e përmbytjeve, është e nevojshme të punohet për të gjetur rrugë të tjera për shkarkimin e ujrave të tepërta.