Në Republikën e Malit të Zi, Ulqini është qyteti i populluar thuajse tërësisht nga shqiptarët. Ekonomia e këtij qyteti mbështetet kryesisht tek turizmi. Komuna e Ulqinit drejtohet nga një kryetar, që i përket njërës prej partive politike shqiptare të Malit të Zi, “Forcës Demokratike”. Ndërkohë, një proces privatizimesh, i nisur disa vite më parë nga qeveria e Malit të Zi, vlerësohet i dështuar dhe në dëm të popullatës shqiptare, pasi, sipas përfaqësuesve vendorë, ai ka dëmtuar burimet turistike të Ulqinit.