Dy ministra të Shkupit në Tiranë
Ministri i ekonomisë dhe ai i Mjedisit të Maqedonisë, ishin sot në Tiranë me kërkesë të kryeministrit Edi Rama për cështjen e lumit Radika dhe devijimit të tij të mundshëm për realizimin e një hidrocentrali në Maqedoni. Kjo cështje ka nxitur debate të shumta në Shqipëri. Të dy ministrat deklaruan se nuk ka vend për shqetësim e shpjeguan se projekti përfundimtar dhe studimi për ndikimin në mjedis pritet të përfundojnë pas disa muajsh.