Lidhje

Rusia mund të jetë duke furnizuar talebanët


Një komandant i lartë ushtarak amerikan tha se Rusia mund të jetë duke furnizuar talebanët, në luftën e tyre kundër forcave të NATO-s dhe atyre të SHBA në Afganistan.

Gjeneral Curtis Scaparrotti, Komandanti Suprem i Forcave Aleate të NATO-s tha në një seancë të Komisionit të Senatit për Shërbimet e Armatosura: “Kohët e fundit, kam vënë re ndikimin e Rusisë, një ndikim në rritje, në kuptimin e bashkimit me talebanët dhe ndoshta të furnizimit të tyre.”

Gjeneral Scaparrotti nuk dha hollësi se për çfarë lloj furnizimesh bëhej fjalë dhe sa e drejtpërdrejtë mund të ishte përfshirja e Rusisë.

Komentet e tij ishin në vazhdimësi të dyshimeve të ngritura muajin e kaluar nga gjenerali John Nicholson, komandant i forcave të NATO-s në Afganistan, i cili dëshmoi se Rusia është duke u dhënë inkurajim dhe justifikim diplomatik talebanëve. Nicholson nuk komentoi megjithatë për çështjen nëse Rusia është duke furnizuar grupin terrorist.

Mendimi juaj

Trego komentet

XS
SM
MD
LG