Në Shqipëri autoritetet vendosën të shtyjnë për në vjeshtë procesin e regjistrimit të popullsisë që pritej të fillonte në muajin prill. Një prej çështjeve më polemike të këtij regjistrimi ishte blloku ku qytetarëve u kërkohej të shprehnin përkatësinë etnike dhe fetare. Kundër vetë-deklarimit të kombësisë, u shprehën edhe një sërë personalitetesh të vendit përmes një letre dërguar udhëheqësve të shtetit. Një prej nënshkruesve të peticionit është edhe shkrimtari dhe politikani Sabri Godo, i cili u intervistua drejtpërdrejt nga Zëri i Amerikës.