E emëruara e Presidentit Obama për postin e ambasadores amerikane në Kombet e Bashkuara, thotë se përgjigja nga Këshilli i Sigurimit ndaj “masakrës në Siri”, është një turp që historia ka për ta gjykuar rreptë.
Gjatë seancës së konfirmimit të saj në Komisionin e Marrëdhënieve me Jashtë të Senatit, Samantha Power e cilësoi Sirinë si një nga rastet më të këqija të ushtrimit të brutalitetit masiv, që ajo ka parë ndonjëherë.
Ish-punonjësja e sigurisë kombëtare në Shtëpinë e Bardhë dhe eksperte për gjenocidin u zgjodh për të zëvendësuar zonjën Susan Rice, e cila u kritikua për rolin e saj në shpjegimin që i bëri administrata sulmit vdekjeprurës në misionin e Shteteve të Bashkuara në Bengazi të Libisë, ku shtatorin e kaluar mbetën të vrarë 4 amerikanë.
Zonja Power po ashtu i tha Komisionit të Senatit, se ajo sheh paragjykime dhe sulme të papranueshme ndaj shtetit të Izraelit në Kombet e Bashkuara dhe se pranon absurditetin në faktin që Irani shërben si drejtues i Konferencës së Çarmatimit të OKB-së. Zonja Power shihet si një person që gëzon mbështetje nga të dyja partitë në Washington dhe ajo pritet të miratohet me lehtësi nga Senati në këtë post.
Gjatë seancës së konfirmimit të saj në Komisionin e Marrëdhënieve me Jashtë të Senatit, Samantha Power e cilësoi Sirinë si një nga rastet më të këqija të ushtrimit të brutalitetit masiv, që ajo ka parë ndonjëherë.
Ish-punonjësja e sigurisë kombëtare në Shtëpinë e Bardhë dhe eksperte për gjenocidin u zgjodh për të zëvendësuar zonjën Susan Rice, e cila u kritikua për rolin e saj në shpjegimin që i bëri administrata sulmit vdekjeprurës në misionin e Shteteve të Bashkuara në Bengazi të Libisë, ku shtatorin e kaluar mbetën të vrarë 4 amerikanë.
Zonja Power po ashtu i tha Komisionit të Senatit, se ajo sheh paragjykime dhe sulme të papranueshme ndaj shtetit të Izraelit në Kombet e Bashkuara dhe se pranon absurditetin në faktin që Irani shërben si drejtues i Konferencës së Çarmatimit të OKB-së. Zonja Power shihet si një person që gëzon mbështetje nga të dyja partitë në Washington dhe ajo pritet të miratohet me lehtësi nga Senati në këtë post.