Lidhje

Historia e dhimbshme e një viktime të trafikimit seksual


Përshkruhet me shumë emra - Skllavëri seksuale .. shfrytëzim seksual. Por organizatat që duan ta ndalojnë, e quajnë atë 'trafikim seksual' - "detyrimi që dikush të përfshihet në seksin komercial me anë të forcës, mashtrimit ose imponimit". Në vitin 2016, më shumë se 7 mijë e 500 raste potenciale të trafikimit të qenieve njerëzore u raportuan në Rrjetin e Denoncimit të Trafikimit të Qenieve Njerëzore. Shumica e viktimave në zonën e Uashington DC janë adoleshente nga familje me të ardhura të mesme dhe të larta, të cilat janë zgjedhur dhe tunduar nga burra që fillimisht i kanë joshur para se të jenë kthyer në padronët e tyre të dhunshëm.

Një sirenë alarmi i dha fund makthit të Kejtit.

“Isha vetëm pas sekonda larg fatit të keq për të mos u gjetur më” - thotë ajo.

"Kejt" thotë se dritat e policisë i dhanë një dritë shrese, pasi kishte kaluar disa muaj në skllavëri seksi.

E gjitha filloi kur "Kejt" ishte në klasën e 9-të. Rrëmbyesi i saj “Luis," ndaj të cilit nuk janë ngritur asnjëherë akuza për këtë rast, ishte në të njëjtën shkollë të mesme me të në një program për imigrantët pa dokumenta. Ai ishte 21 vjeç. Ajo 14:

“E para gjë që më shkroi në mesazh në Facebook ishte ‘Ke sy shumë të bukur’”.

Kejt u dashurua me të... Natën, Luis trokiste në dritaren e saj të dhomës së gjumit dhe e merrte fshehurazi në mbrëmje. Por një natë, ajo nuk u kthye në shtëpi.

“Isha me gjithë ata burra më të mëdhenj. Gjithçka mendoja në ato çaste ishte “Ata mendojnë se jam e bukur. Më kushtojnë vëmendje. Mbaj mend se humba ndjenjat. “Disa gjëra janë ende të paqarta edhe sot. Pata shumë të nxira në trup dhe dëmtime të brenshme”.

Më pas, ajo mësoi se Luis ishte anëtar i grupit MS13 – një bandë e dhunshme e Amerikës Qendrore. Kjo vajzë që sapo kishte hyrë në adoleshencë u drogua me heroinë dhe PCP dhe u shit për seks për të bërë para për bandën.

“Emi” është nëna e Kejtit:

“Ajo është e shtrenjta e jetës sime, është fëmija im dhe kur u largua, e ndjeja brenda meje se ajo kërkonte që unë ta gjeja”.

Policia e konsideronte Kejtin si fëmi të arratisur nga familja. Luis e shihte atë si objekt:

“Më vuri në ije një tatuazh me simbolin e parave dhe aty e kuptova se ku kisha përfunduar. Ai më kishte kthyer në pronë.”

Dhe ajo thotë se abuzimi nuk kishte fund:

“Dikush vinte dhe më përdhunonte. Dikush tjetër largohej. Brenda një ore, dikush tjetër vinte, pastaj dy apo tre të tjerë. Isha në këtë gjendje për ditë të tëra. Nuk më jepnin të haja, nuk kisha as ujë për të pirë ndërsa tutori im rrinte aty dhe shikonte.”

Disa javë më pas, ndërsa banda do ta çonte në një tjetër shtet, Kejt pa dritat e policisë dhe e kuptoi se po shpëtonte.

Pas pesë vjetësh në trajtim intensiv, Kejt ka tani një tjetër shpresë. Ajo është e fejuar dhe është shtatzënë… me një vajzë.

Facebook Forum

XS
SM
MD
LG