Lidhje

Shkodër: 9 të arrestuar për aktivitet kriminal


Ka shkuar ne nëntë numri i personave të arrestuar, të dyshuar si pjesëtarë të një grupi të mirëstrukturuar kriminal, që u vinte gjoba mujore tregtarëve në tregjet e lira të qytetit të Shkodrës.

Gjatë mbrëmjes së kaluar, policia vendore e Shkodrës bëri të ditur arrestimin e shtatë pjesëtarëve të këtij grupi, mes të cilëve edhe dy organizatorët e tij, ndërsa paraditen e të djelës u arrestuan edhe dy pjesëtarë të tjerë, duke e çuar numrin e të arrestuarve në nëntë përsona. Por policia bëri të ditur se operacioni vazhdon dhe se numri i të dyshuarve si pjesëtarë të grupit kriminal të gjobëvënieve është edhe më i madh. Për shkak të rrezikshmëriësë që paraqiste ky grup kriminal, në arrestimin e tyre morrën pjesë forcat speciale “Renea” dhe ato të Ndërhyrjes së Shpejtë.

Prokuroria për Krimet e Rënda bëri të ditur, gjatë pasdites së të shtunës, zbulimin e një strukture kriminale për të mbledhur shuma parash me anën e dhunës, kanosjes dhe kërcënimeve. Ky grup vepronte në tregjet e lira të qytetit të Shkodrës, kryesisht në Tregun e Zdrales, të Rrugës së Gjerë të Kirasit, etj.

Me kërkesë të Prokurorisë, Gjykata për Krimet e Rënda caktoi masën e sigurisë "arrest në burg" për pjesëtarët e grupit kriminal. Pas arrestimeve, policia ka gjetur ne banesat e tyre edhe edhe një fletore ku shënonin emrat e tregtarëve dhe pagesen e gjobave, 6 uniforma kamuflazhi si dhe sasi të lëndës narkotike.

Prokuroria ka zhvilluar një hetim disa mujor, në bazë të informacionit të përcjellë nga ana e Drejtorisë së Policisë Vendore Shkodër, duke ngritur dyshime për veprat penale të “Shtrëngimit me anë të kanosjes për dhënie pasurie” dhe “Krijimit të Grupit Kriminal”.

Sipas organit të akuzës anëtarët e grupit janë persona që kanë njohje dhe lidhje midis tyre si dhe kanë bashkëpunuar me njëri-tjetrin në kryejn e shumë veprave penale me qëllim fitimi, si shtrëngimi me anën e kanosjes për marrjen e pasurisë. Drejtuesit e grupit, pasi u jepnin porositë anëtarëve, i dërgonin me makinë në zonën e tregut dhe këta takoheshin me çdo tregtar duke u marrë “gjobat” mujore, madje duke shënuar në një bllok emrat e tregtarëve që paguanin. Ky aktivitet kriminal, sipas prokurorisë, është provuar se është shtrirë nga muaji tetor 2016 deri në muajin shkurt 2017.

Shiko komentet (2)

Ky forum është mbyllur
XS
SM
MD
LG