Shkodra është një nga qytetet e Shqipërisë, ku vitet e fundit janë ngritur më shumë se dhjetë fabrika të prodhimit të këpucëve dhe veshjeve për eksport, në të cilat punojnë kryesisht gra dhe vajza. Për të nxitur edhe punësimin e djemve, në fabrikën e prodhimit të këpucëve për eksport "Bertoni", është hapur këto ditë Qendra e Formimit Profesional, ku për herë të parë synohet që djemve të papunë, që kanë mbaruar shkollat, t'u krijohet mundësia për të marrë një zanat dhe për t’u punësuar.
