Aktivistë sirianë njoftuan se të mërkurën pati sulme ajrore vdekjeprurëse të forcave pro-qeveritare në rrethinat e Damaskut, në Ghutën lindore, ku gjatë kësaj jave ka ndodhur dhuna më vdekjeprurëse në disa vjet.
Grupi me seli në Britani “Vëzhguesi sirian për të drejtat e njeriut” tha se që nga e djela mbrëma janë vrarë të paktën 250 persona. Hera e fundit kur pati një numër kaq të madh viktimash ishte në vitin 2013, kur në atë zonë ndodhi një sulm kimik.
Shtimi i dhunës vjen ndërsa forcat siriane përpiqen të rimarrin, pas më tepër se 4 vjetësh, kontrollin e Ghoutës lindore nga luftëtarët e opozitës.
Këto zhvillime, gjithashtu ndodhin pas përparimit të bërë në përpjekjet për të detyruar largimin e militantëve të Shtetit Islamik nga pjesa më e madhe e territorit, që ata kishin dikur nën kontroll në Siri.
Facebook Forum