Në Shqipëri Partia Socialiste paraqiti sot pikat kryesore të programit të saj të ri, i cili do t’i paraqitet kongresit të ardhshëm që do të mbahet me 5 nëntor.
Kryetari socialist Edi Rama tha se ky program është dokumenti që do të drejtojë opozitën drejt fitores në zgjedhjet e ardhshme.
Ai është i përbërë në disa kapituj ku përmblidhen angazhimet e socialistëve për situatën ekonomike, atë sociale, për zhvillimin dhe parimet e demokracisë dhe procesin e integrimit europian të vendit.