Presidenti i Shqipërisë Bamir Topi tha sot se zgjidhja e krizës mes shumicës dhe opozitës kërkon vetëm vullnet politik pasi sipas tij instrumentat ligjorë dhe institucionalë ekzistojnë. Komentet e kreut të shtetit vijnë në një moment kur shpresat e lindura në fundjavë për arritjen e një zgjidhjeje, pas edhe tërheqjes së opozitës me ofertën e saj, u rrëzuan nga shumica, e cila propozimin e kryetarit socialist e cilësoi si në shkelje të ligjeve dhe kushtetutës.