Lidhje

Donald Trump: E padrejtë të akuzohet Moska nëse ka paqartësi


Presidenti i zgjedhur Donald Trump po shpreh përsëri dyshime për konkluzionin e agjencive amerikane të zbulimit se Rusia ndërhyri në zgjedhjet presidenciale përmes piraterisë kibernetike.

Ky konkluzion solli si rezultat shpalljen e sanksioneve ndaj shërbimeve sekrete ruse nga Presidenti Barack Obama dhe dëbimin e 35 diplomatëve që ai tha se ishin spiunë.

Zoti Trump, u tha gazetarëve në Florida, ku po kalon pushimet e fundvitit, se do që burimet amerikane të zbulimit të jenë të sigurta, sepse kjo është një akuzë shumë serioze dhe se ai do që ata të jenë të bindur.

Ai tha se do të ishte e “padrejtë" të bëheshin akuza kundër Moskës, nëse ka paqartësi.

Presidenti i zgjedhur tha se ai ka më shumë njohuri për akuzën e Uashingtonit kundër Rusisë, se sa ç’është bërë publike.

"Pirateria kibernetike është shumë e vështirë të provohet. Kështu që mund të jetë dikush tjetër. Unë gjithashtu di gjëra që të tjerët nuk i dinë, prandaj nuk mund të jenë të sigurtë për situatën”, tha zoti Trump.

Mendimi juaj

Trego komentet

XS
SM
MD
LG