Pesë persona kanë humbur jetën dhe të paktën 36 janë plagosur, shtatë në gjedje të rëndë, në një sulm vetëvrasës në qarkun kryesor tregtar në Stamboll, Istiklal.
Ministri i Shëndetësisë, Mehmet Muezzinoglu që njoftoi për shifrat e viktimave, tha gjithashtu se 12 nga të plagosurit ishin shtetas të huaj.
Ministri i Jashtëm Iranian, Mohammad Javad Zarif që ndohdhet për një vizitë zyrtare në Stamboll e dënoi sulmin dhe i shprehu ngushëllimet qeverisë turke dhe gjithë vendit.
Ministri i Jashtëm francez Jean-Marc Ayrault e dënoi sulmin si një “akt të tmerrshëm dhe burracak”, duke shtuar se Parisi ishte në solidaritet me Turqinë.
Shpërthimi i së shtunës pasoi sulmin e 13 marsit në Ankara që shkaktoi 37 të vrarë.