Qendra Metereologjike e Perusë, thotë se niveli i ujit të Amazonës, lumi i dytë më i gjatë i botës, ka rënë në një cektësi rekord në 40 vjet.
Niveli i lumit 6 mijë e 580 kilometra të gjatë ka rënë në 105, 79 metra, niveli më i ulët që nga viti 1969. Normalisht, niveli i këtij lumi duhet të jetë 109,86 metra mbi nivelin e detit dhe në këto kushte në lumë mund të lëvizin anijet e mëdha.
Rënia e nivelit e ka vështirësuar transportin në rajonin e Loretos, në kufirin mes Kolombisë dhe Brazilit. Në këtë rajon transporti në Lumin e Amazonës luan një rol të rëndësishëm në jetën e vendit.