Ditari - Londra: Ushtria ruse po përballet me mungesë municionesh

Për shkak të mungesës së municioneve, Rusia ka filluar të heqë kokat bërthamore nga arsenali i saj i vjetruar i raketave bërthamore dhe po i përdor këto të fundit për të goditur Ukrainën. Tiranë, Partia Demokratike, ajo pjesë që drejtohet nga ish-Kryeministri Sali Berisha bëri të ditur se nuk do të ndryshojë planet e saj për të zhvilluar një tubim proteste pranë selisë së qeverisë më 6 dhjetor, ditën kur në kryeqytetin shqiptar është parashikuar të mbahet dhe një takim i nivelit të lartë mes Bashkimit Europian dhe Ballkanit Perëndimor. Më shumë se 10 mijë të rinj nga Shqipëria janë përfitues të programeve të financuara nga BE. Ambasadorja Christiane Hohmann tha se unioni synon të mbështesë të rinjtë shqiptarë që ata të gjejnë mundësi punësimi në vendin e tyre.