Shkalla e lartë e ndotjes së ajrit në Tetovë dhe në Shkup ka shqetësuar banorët e këtyre qyteteve, të cilët presin masa të shpejta nga autoritetet. Në Shkup mbi dymbëdhjetë herë është më e lartë shkalla e grimcave të quajtura PM-10, ndërsa në Tetovë rreth njëzet herë, që nxitë frikë tek banorët nga sëmundjet kancerogjene. Autoritetet nuk kanë mundur të mbyllin një fabrikë për përpunimin e metaleve në Tetovë që konsiderohet si ndotësi më i madh i zonës.