Në Ohër të Maqedonisë u mbajt takimi i vendeve të Nismës së Evropës Qendrore. Ministrat e vendeve të Ballkanit theksuan integrimet evropiane si çështje jetike për vendet e tyre, që nuk duhet vonuar, ndërkohë që në një komunikatë, në përfundim të takimit, nënvizohen përparësitë e Nismës për në të ardhmen, e që janë integrimi i të gjitha vendeve të Ballkanit perëndimor në BE, si dhe lidhja infrastrukturore. Në takim ka mbizotëruar dhe çështja e emigracionit, me të cilën po ballafaqohen edhe vendet anëtare të Bashkimit Evropian.