Në Kosovë, zyrtarë të agjencisë kundër korrupsionit thonë se kjo dukuri vazhdon të mbetet një sfidë e madhe për vendin. Gjatë një bisede për Zërin e Amerikës, shefi i kësaj agjencie Hasan Preteni tha se Kosova ka shënuar përparim në nxjerrjen e ligjeve për luftimin e krimit të organizuar dhe korrupsionit, por shqetësim mbetet lufta reale kundër këtyre dukurive.
