Të grupuar në shoqata joqeveritare, të rinjtë po zgjerojnë përpjekjet e tyre në mbrojtje të mjedisit edhe jashtë Tiranës, duke u shtrirë në një pjesë të madhe të rretheve të Shqipërisë, ku mjedisi natyror vazhdon të dëmtohet. Të mbledhur në Shkodër në një veprimtari promovuese, aktivistët e mjedisit u shprehën se po kërkojnë forma të reja për ndërgjegjësimin e institucioneve dhe komuniteteve lokale.