Lidhje

Obama paralajmëron për rreziqet e izolimit


Obama

Obama

Në fjalimin e tij të fundit për të diplomuarit e Akademisë së Forcave Ajrore të SHBA-së, Presidenti Barack Obama foli për atë që ka mësuar rreth sigurisë kombëtare dhe politikës së jashtme gjatë shtatë viteve të fundit.

Në Colorado Springs, ai u tha 800 të diplomuarve të Forcave Ajrore të mos tërhiqen prej angazhimit në botë dhe rolit udhëheqës amerikan.

Ai tha: “nuk mund të jemi mbështetës të izolimit. Kjo nuk është e mundur në këtë botë të ndërlidhur dhe të globalizuar”.

Megjithëse nuk i përmendi votimet paraprake, komentet e presidentit Obama ishin një kritikë indirekte për kandidatin republikan Donald Trump, i cili ndër të tjera ka bërë thirrje për ngritjen e një muri përgjatë kufirit SHBA – Meksikë dhe për rishikimin e kontributit të Amerikës në NATO.

Presidenti u rikujtoi të diplomuarve se vetëm forca ushtarake e SHBA-së nuk mund t’i zgjidhë të gjitha problemet, dhe theksoi nevojën për diplomacinë dhe marrëveshjet ndërkombëtare.

Trego komentet

XS
SM
MD
LG