Lidhje

Lu: Nga Xhafaj presim luftë aktive kundër krimit të organizuar


Ambasadori i Shteteve të Bashkuara në Tiranë Donald Lu tha sot se pret që ministri i ri i Brendshëm, Fatmir Xhafaj, i emëruar pak ditë më parë, “të luftojë në mënyrë aktive krimin e organizuar dhe të veprojë në mënyrë të paanshme teksa vendi përgatitet për zgjedhjet”.

I pyetur nga Zëri i Amerikës, për lëvizjet në qeveri dhe kryesisht për ndryshimin e kreut të Ministrisë së Brendshme një institucion kyç dhe i gjendur shpesh në qendër të sulmeve veçanërisht nga opozita, ambasadori amerikan theksoi se “që lufta kundër krimit të organizuar dhe narkotikëve në Shqipëri të ketë sukses, ka nevojë për energji të reja. Nëse zoti Xhafaj punon në mënyrë agresive kundër narkotikëve dhe krimit të organizuar, ai do të ketë mbështetjen tonë të plotë”, thekson ambasadori Lu duke vënë në dukje bashkëpunimin e mëparshëm më zotin Xhafaj, kryesisht në procesin e reformës në Drejtësi. “Ne kemi punuar ngushtë me zotin Xhafaj si kreu i komisionit të ligjeve të kuvendit dhe për reformën në drejtësi”, përfundon deklarata e ambasadorit amerikan.

Një ditë më parë kryetari i opozitës Lulzim Basha e quajti një “provokim” emërimin e zotit Xhafa. Duke folur në emisionin ‘Studio e Hapur’ të gazetares Eni Vasili në “News 24”, zoti Bashatha se sipas tij zoti Xhafaj “ka zvarritur për një vit e gjysëm Reformën në Drejtësi dhe i ka shërbyer axhendës së kryeministrit Rama për të kapur Drejtësinë” duke e cilësuar atë si përgjegjës “për përjashtimin e opozitës nga Reforma në Drejtësi”.

Mendimi juaj

Trego komentet

XS
SM
MD
LG