Britania po kërkon kthimin e menjëhershëm të 15 pjesëtarëve të marinës britanike që janë kapur nga Irani në kanalin Shatt al-Arab për të cilin si Irani edhe Iraku kanë pretendime.
Sot në Londër, Sekretarja e Jashtme britanike, Margaret Beckett tha se qeveria e saj kërkon një shpjegim të plotë për ndalimin e personelit detar nga ana e Iranit. Ministria britanike e Mbrojtjes tha se Irani kapi sot 15 pjesëtarë të personelit të saj kur ata po kryenin një operacion inspektimi rutinë të një anieje në ujërat e Irakut.
Megjithatë, televizioni në Teheran citonte Ministrinë e Jashtme sipas së cilës personeli britanik kishte hyrë ilegalisht në ujërat iraniane. Ministria thirri një diplomat britanik në Teheran në shenjë proteste. Zëdhënësja e marinës amerikane në Bahrejn tha se forcat britanike po vepronin plotësisht brenda ujërave territoriale irakiane. //ii