Ndërmjetësuesi i Kombeve të Bashkuara për çëshjten e emrit të
Maqedonisë, Mathew Nimitz ndodhet në Shkup ku po takohet me zyrtarët më
të lartë shtetërorë të vendit.
Zoti Nimitz u tha mjeteve të informimit se po bëhen përpjekje për një formulë afatgjatë që do t'i kënaqte të dyja palët. Ai nuk dha hollësi në lidhje me propozimet e tij, ndërkohë që theksoi se nuk ka një afat të caktuar për zgjidhjen e çështjes por se kjo periudhë kohore është me shumë rëndësi. Ai la të kuptohej se bisedimet janë përqëndruar vetëm mbi çështjen e emrit dhe jo për kërkesa të tjera të palëve.
Autoritetet maqedonase kanë qëndrim të
përbashkët për sa i përket emrit të vendit, të kontestuar nga Greqia
fqinje. Takimi i fundit i përfaqësuesve grekë dhe maqedonas me
ndërmejtësin Nimitz u mbajt me datën 13 të këtij muaji në Nju Jork.
Nesër zoti Nimitz shkon në Selanik për t'u takuar me palën greke.