Kërcimtarja profesioniste, Julianne Hough, është bërë një artiste shumë popullore pas pjesëmarrjes në programin televiziv "Dancing with the Stars", “Kërcim me yjet”. Kërcimtarja 19-vjeçare është këngëtare e muzikës kantri. Kohët e fundit ajo nxorri në treg albumin e saj të parë.
Në konkursin "Dancing with the Stars", kërcimtarë profesionistë vallzojnë me njerëz të famshëm, si për shembull yjet e skenës apo të sportit. Kërcimtarja profesioniste, Julianne Hough, dhe partnerët e saj e kanë fituar këtë konkurs dy herë. Por këtë sezon ajo dhe partneri i saj u skualifikuan që në puntatat e para të konkursit.
Julianne
shkoi në Nashville të shtetit Tennessee
për të incizuar albumin që mban emrin e saj, "Julianne Hough". Kjo është kënga "That Song in My
Head".
Julianne Hough u rrit të në qytetin Salt Lake të shtetit Utah. Kur ishte vetëm 4 vjeç, ajo këndonte në
bandën muzikore të familjes së saj, White Lightning, që interpretonte në
zhanrin kantri. Ashtu si Julianne,
vëllai i saj më i madh, Derek, është kampion botëror i kërcimit dhe
njëkohësisht këngëtar. Sëbashku ata
incizuan për albumin e saj këngën me titull "Dreaming Under the Same
Moon".
Julianne Hough thotë se kariera e saj e re e
këngës është edhe realizimi një prej ëndërrave të saj. Ajo thotë se kur ishte 10 vjeç, i vuri vetes
si qëllim që të bëhej këngëtare profesioniste kur të mbushte moshën 19
vjeçare. Tani Julianne ia ka arritur
këtij qëllimi. Ja edhe një tjetër këngë interpretuar nga Julianne
Hough, ajo me titull "My
Hallelujah Song", që përfshihet në albumin e saj. //iç//