Fundjava që lamë pas ishte e ngarkuar për drejtuesit e
vendeve të fuqishme ekonomike, të angazhuar tashmë për një program të
bashkërenduar veprimesh për krizën financiare globale. Marrëveshja e arritur
mes zyrtarëve të Grupit të Shtatëshes synon rritjen e besimit të njerëzve të
shqetësuar për situatën në të cilën ndodhen tregjet financiare në mbarë botën.
Udhëheqësit e vendeve të Eurozonës bënë ndërkaq publike masat për të mbrojtur institucionet financiare dhe për të garantuar dhënien e huave ndërbankare. Për të diskutuar për rreziqet e kësaj krize në Shqipëri, Zëri i Amerikës zhvilloi një intervistë me guverantorin e Bankës Qëndrore, zotin Ardian Fullani, i cili morri pjesë në takimin vjetor të Fondit Monetar Ndërkombëtar.